Лінкі ўнівэрсальнага доступу

Гран-пры Нацыянальнага фэстывалю архітэктуры атрымаў катарскі комплекс за 200 мільёнаў даляраў


XII фестываль архітэктуры. Праэкт. Шматфункцыянальны комплекс «Falcon»

Падведзены вынікі ХII Нацыянальнага фэстывалю архітэктуры. Найлепшай пабудовай апошніх двух гадоў у Беларусі прызнаны шматфункцыянальны комплекс «Falcon» на праспэкце Пераможцаў у Менску.

Гэты ж праект заваяваў узгнагароду Беларускага акадэмічнага цэнтру архітэктуры. У гэты комплекс, разьмешчаны на беразе Сьвіслачы, уваходзяць гатэль Marriott, спартовы комплекс, кінатэатар, бутыкі, паркінг.

«Falcon», кошт якога ацэньваецца ў 200 мільёнаў даляраў, пабудаваны на бюджэтныя грошы Катара. Ён распачаў працу напрыканцы 2015 году.

Кампанія «Вараб’ёў і партнэры» таксама адзначана прэміяй за праект бізнэсовага і культурна-забаўляльнага комплексу на вуліцы Сьвярдлова ў Менску.

Сярод іншых праектаў, адзначаных на ХII Нацыянальным фэстывалі архітэктуры, — бізнэсовы комплекс на праспэкце Пераможцаў (творчая майстэрня архітэктара Барыса Школьнікава), рэканструкцыя стадыёну «Дынама», праект мэмарыяльнага комплексу «Трасьцянец» (абодва — «Менскпраект»), рэканструкцыя будынкаў ў гістарычным цэнтры Менску ды іншае, паведамляе агенцтва «Минск-Новости».

9 новых адметных праектаў беларускіх архітэктараў. ФОТА

XS
SM
MD
LG