Лінкі ўнівэрсальнага доступу

У Менску 9 лістапада адкрыўся ХІІ Нацыянальны фэстываль архітэктуры. На ім выстаўленыя, сярод іншага, працы ўдзельнікаў Рэспубліканскага конкурсу на найлепшы архітэктурны твор і Міжнароднага біенале маладых архітэктараў «Леанарда-2017». Разам з архітэктарам Лявонціем Зданевічам Свабода падабралі дзесяць адметных беларускіх праектаў.

1. Аздараўленчы цэнтар з аб’ектамі грамадзка-бізнэсовага прызначэньня (Менск)

Аўтарскі калектыў пад кіраўніцтвам Барыса Школьнікава. Будаўніцтва завяршаецца ў Менску на праспэкце Пераможцаў. Чатыры будынкі аб’яднаныя графічна агульнай аднапавярховай лініяй і маюць пэўныя асацыяцыі — карабельчыкі.

2. Шматфункцыянальны гандлёва-забаўляльны комплекс з гатэлем і паркінгам (Менск)

Гэты аб’ект на праспэкце Пераможцаў, 9 разьвіваецца ў дваровую зону паміж вуліцай Мельнікайце і шпалернай фабрыкай. Гэтая тэрыторыя шмат гадоў была неарганізаваная і запушчаная. Аб’ект палепшыў схему функцыянальных, пешаходных і транспартных сувязяў. Ёсьць скразны праход з двароў непасрэдна на праспэкт. Аб’ект жыве рэальным і насычаным жыцьцём. Аўтары праекту — інстытут «Менскграмадзянпраект», архітэктурнае бюро SZK/z, а таксама «Ronesans Rusya Insaat Sanayi ve Ticaret A.S.».

3. Шматфункцыянальны комплекс «Falcon Іnvestment» (Менск)

Для гатэлю Marriott і спартовага цэнтру на праспэкце Пераможцаў знойдзена цікавае плястычнае вырашэньне. Праект аўтарства «Varabyeu Partners» ёсьць вельмі складаным, з добра зробленымі інтэр'ерамі.

4. Аўтавакзал на вуліцы Арджанікідзэ (Берасьце)

Аўтары з «Палесьсежылбуду» карэктна ставяцца да помніка архітэктуры — цяперашняга чыгуначнага вакзалу. Праект адметны інтэлігентнасьцю і прафэсійнай граматнасьцю.

5. Праект у Камянцы

Зьвяртае ўвагу правільна выбраным маштабам і нестандартным аб’ёмна-плянавальным рашэньнем. Вельмі цікава вырашаныя боксы. Архітэктар знайшоў мінімальныя сродкі, якія робяць гэты аб’ект выдатным. У цэлым стылізаванае, простае рашэньне.

6. Шматкватэрны блякаваны жылы дом ​(Менск)

Праект жылога дому на сталічнай вуліцы Парніковай належыць аўтарству вядомага архітэктара і дызайнэра Аляксандра Трусава. Ягоная неабыякавасьць да прафэсіі дчуваецца ў кожнай яго працы. Аб’ект вырашаны ляканічна, мінімальнымі сродкамі і мае запамінальны вобраз.

7. Рэканструкцыя нежылога будынку пад цэнтар банкаўскіх паслуг (Горадня)

Праект рэканструкцыі будынку на вуліцы Сацыялістычнай, 44 мае шмат цікавых дэталяў у стылі мадэрн, дэманструе глыбокую дэталізацыю. Аб’ект праектнага прадпрыемства «Леоле» арганічны ў кантэксьце забудовы.

8. Рэканструкцыя фізкульутрна-аздараўленчага комплексу (Салігорск)

Пры відавочна невялікіх выдатках на рэканструкцыю салігорскага ФАК санаторыі «Бярозка» даволі адчувальны архітэктурны эфэкт, ёсьць цікавыя дызайнэрскія знаходкі. Аўтар — «Брэстпраект».

9. Музэй міталёгіі (Менск)

Аўтары з прадпрыемства «Zrobym architects» спрабуюць адлюстраваць элемэнты культавай пабудовы беларусаў ды іхных поглядаў на жыцьцё. Адлюстравана дрэва жыцьця — галоўны сымбаль дахрысьціянскай веры.

Ваша меркаваньне

Паказаць камэнтары

XS
SM
MD
LG