Лінкі ўнівэрсальнага доступу

Жанчыны супраць Роя Мура. Ультракансэрватыўнага палітыка ЗША абвінавацілі ў сэксуальных дамаганьнях


У сьвятле скандалу з Гарві Вайнштэйнам, тысячы карыстальнікаў сацсетак выкарыстоўваюць хэштэг #MeToo - «Я таксама», каб расказаць пра сэксуальныя дамаганьні.

Рой Мур, кандыдат у Сэнат ЗША ад Рэспубліканскай партыі, заявіў, што абвінавачваньні на яго адрас «цалкам фальшывыя». Раней Лі Корфман заявіла, што амаль чатыры дзесяцігодзьдзі таму 32-гадовы Мур спрабаваў уступіць зь ёй у сэксуальны кантакт — Корфман тады было 14 гадоў.

Аповед жанчыны апублікавала газэта The Washington Post, паведамляе Голас Амэрыкі.

Мур распаўсюдзіў заяву, згодна зь якой, ён ніколі не падаваў алькаголь непаўналетнім і ніколі не ўступаў у супрацьзаконныя сэксуальныя сувязі. Ён таксама заявіў, што стаў ахвярай атакі дэмакратаў і газэты The Washington Post. Мур патлумачыў, што, калі б словы Корфман былі праўдай, яна распавяла б пра гэтую гісторыю раней.

Тым ня менш, Нацыянальны рэспубліканскі сэнацкі камітэт паведаміў, што спыняе дзеяньне пагадненьня, якое прадугледжвае дапамогу Муру ў зборы сродкаў на выбарах. Шэраг сэнатараў-рэспубліканцаў, уключаючы лідэра большасьці Мітч Маконэл, зьвярнуліся да Мура з заклікам адмовіцца ад удзелу ў выбарах, калі абвінавачваньні ў яго адрас маюць пад сабой падставы.

Мур прэтэндуе на месца ў Сэнаце, якое вызвалілася пасьля таго, як сэнатар Джэф Сэшнс стаў генэральным пракурорам ЗША. Спэцыяльныя выбары пройдуць 12 сьнежня.

Прэс-сакратар Белага дому паведаміла, што прэзыдэнт Дональд Трамп лічыць, што, калі слова Корфман апынуцца праўдай, Мур павінен «зрабіць правільны выбар і сысьці».

З такімі абвінавачваньнямі ў адрас Мура выступілі яшчэ тры жанчыны, якім у апісаны пэрыяд было ад 16 да 16-ці гадоў.

Былы судзьдзя Мур мае рэпутацыю ўльтракансэрватара. Ён набыў вядомасьць, калі адмовіўся выконваць рашэньне Вярхоўнага суду ЗША аб легалізацыі аднаполых шлюбаў.

Ваша меркаваньне

Паказаць камэнтары

XS
SM
MD
LG