Аўтамабіль рухаўся з боку вёскі Бычыхі ў накірунку Езярышча, - паведамляе Сьледчы камітэт. У аварыі загінулі маладыя людзі 23-х, 24-х, 26-ці і 30-ці гадоў, якія жылі ў вёсцы Езярышча. А таксама 19-гадовая дзяўчына з адной зь вёсак Гарадокскага раёну.
Дзяўчына, якая выжыла, мае цяжкія пашкоджаньні і знаходзіцца ў шпіталі.
Сьледчы камітэт інфармуе пра завядзеньне крымінальнай справы па артыкуле 317 частка 3 (парушэньне правіл дарожнага руху ці эксплюатацыі транспартным сродкам, што прывяло да сьмерці двух і болей асоб).
