Лінкі ўнівэрсальнага доступу

Канада ўвяла санкцыі супраць 30 расейцаў паводле «закону Магніцкага»


Значкі з партрэтам Сяргея Магніцкага

Улады Канады ўвялі эканамічныя санкцыі супраць 30 грамадзян Расеі. Абмежавальныя меры зьвязаныя з канадзкай вэрсіяй закону імя Сяргея Магніцкага, гаворыцца ў заяве Міністэрства замежных спраў краіны.

Сярод фігурантаў санкцыйнага сьпісу — кіраўнік Сьледчага камітэту Расеі Аляксандр Бастрыкін і былы начальнік Сьледчага камітэту пры Міністэрстве ўнутраных спраў Расеі Аляксей Анічын. Штрафныя меры ўвялі і супраць судзьдзі Сяргея Падапрыгорава — у 2008 годзе ён пастанавіў арыштаваць Магніцкага.

Усе банкаўскія рахункі фігурантаў чорнага сьпісу на тэрыторыі Канады будуць замарожаны. Ім таксама нельга будзе выдаць палітычны прытулак на тэрыторыі краіны.

«Акт Магніцкага» быў прыняты Кангрэсам ЗША ў канцы 2012 года. Дакумэнт назвалі ў памяць пра юрыста фонду Hermitage Capital Сяргея Магніцкага. Ён раскрыў схему буйных крадзяжоў з расейскага бюджэту. Расейскія ўлады абвінавацілі юрыста ва ўхіленьні ад выплаты падаткаў. Ён памёр у маскоўскім СІЗА ў 2009 годзе.

Ваша меркаваньне

Паказаць камэнтары

XS
SM
MD
LG