Пра гэта ў аўторак паведаміла выданьне Financial Times, чытачы якога даслалі фотаздымкі ў рэдакцыю.
Адзін з топ-мэнэджараў банку Юрый Салаўёў прыйшоў у вобразе Мікіты Хрушчова. У прэсавай службе ВТБ сьцьвярджаюць, што касьцюмы кіраўнікоў зьяўляюцца «тыповымі для эпохі 50-х гадоў» і што яны не адлюстроўвалі савецкіх правадыроў.
Гасьцей вечарынкі сустракалі лёзунгам «Інвэстары ўсіх краінаў, яднайцеся», паведамляе Financial Times. Гэты лёзунг — перафразаваны лёзунг з камуністычнага маніфэсту Маркса і Энгельса — Пралетары ўсіх краінаў, яднайцеся.
У апошнія гады ў Расеі расьце колькасьць людзей, якія пазытыўна ставяцца да Сталіна. Адкрываюцца музэі Сталіна, яму ставяць помнікі, знаходзяць палітычныя апраўданьні сталінскім рэпрэсіям, забываючы пра мільёны нявінных ахвяраў. Паводле нядаўняга апытаньня «Лявада-цэнтру», Сталін у Расеі ізноў узначаліў рэйтынг самых выбітных людзей у сусьветнай гісторыі.
