Лінкі ўнівэрсальнага доступу

За паўторнае перавышэньне хуткасьці прапануюць не адбіраць правы. Якія яшчэ зьмены чакаюць кіроўцаў?


У Кодэкс аб адміністратыўных правапарушэньнях плянуецца ўнесьці шэраг зьменаў, якія тычацца кіроўцаў. Адпаведны законапраект знаходзіцца ў Палаце прадстаўнікоў.

Што прапануецца памяняць?

— адмяніць дадатковае пакараньне (адбіралі правы на год альбо штрафавалі) за паўторнае перавышэньне хуткасьці;

— за перавышэньне хуткасьці на 30–40 км/г будуць караць штрафам ад 3 да 10 базавых велічыняў, а за перавышэньне хуткасьці больш як на 40 км/г — штрафам ад 7 да 15 базавых;

— адменяць папярэджаньне і штраф за тое, што кіроўца забыўся дакумэнты дома, адпаведны артыкул скасуюць;

— калі кіроўца едзе без страхоўкі, яго будуць штрафаваць на 3–5 базавых (раней 5 базавых), а ў выпадку аварыі на 5–10 базавых (раней 10 базавых);

— калі кіроўца, пазбаўлены правоў, парушыў правілы, яго будуць караць штрафам ад 5 да 20 базавых з пазбаўленьнем правоў на 2 гады (раней штрафавалі без пазбаўленьня).

Раней Міністэрства ўнутраных спраў прапанавала лібэралізаваць адміністрацыйнае заканадаўства за нязначныя правапарушэньні і дзеля гэтага правесьці грамадзкае абмеркаваньне.

Ваша меркаваньне

Паказаць камэнтары

XS
SM
MD
LG