Афіцыйны прадстаўнік Дзяржаўнага памежнага камітэту Беларусі Антон Бычкоўскі пацьвердзіў БелаПАН, што самагубства афіцэр зьдзейсьніў 27 верасьня. Для вызначэньня прычынаў і ўмоваў суіцыду праводзяцца сьледчыя дзеяньні.
Паводле неафіцыйнай інфармацыі, малады чалавек нядаўна скончыў Інстытут памежнай службы. Ён забраў сабе жыцьцё пры дапамозе пісталета, стрэліўшы сабе ў галаву. Гэта было зафіксавана на камэру відэаназіраньня.
Падобны выпадак адбыўся ў Смаргоні ў студзені 2015 года. Малодшы афіцэр вучэбнага цэнтру Інстытуту памежнай службы скончыў жыцьцё самагубствам. На месцы здарэньня была знойдзеная перадсьмяротная запіска з указаньнем бытавых прычынаў учынку.