Памочнік прэзыдэнта Расеі Юры Ўшакоў сказаў, што кіраўнікі Беларусі і Расеі Аляксандар Лукашэнка і Ўладзімір Пуцін ня мелі асобнай сустрэчы ў Сочы.
Яны пагутарылі толькі «на нагах», перадае ТАСС.
Лукашэнка ў Сочы меў сустрэчу з прэзыдэнтам Узбэкістану Шаўкатам Мірзіёевым, паведамляе прэзыдэнцкая прэс-служба.
Аляксандар Лукашэнка прыбыў у Сочы 10 кастрычніка для ўдзелу ў самітах СНД і ЭАЭС. Падчас выступу на саміце кіраўнік Беларусі скрытыкаваў СНД.
Пуцін правёў асобныя сустрэчы з шэрагам кіраўнікоў краін садружнасьці.
