Лінкі ўнівэрсальнага доступу

CNN хочуць пазбавіць ліцэнзіі ў Расеі. Раскамнагляд назваў прычыну


Тэлеканал CNN павінен ліквідаваць выяўленыя Раскамнаглядам парушэньні, у адваротным выпадку ліцэнзія на яго вяшчаньне ў Расеі можа быць прыпыненая.

«Днямі мы выдалі ім (CNN) прадпісаньне. Яно загадвае тэлеканалу і вяшчальніку ліквідаваць выяўленыя намі парушэньні ў тэрмін да 11 кастрычніка. Па законе „Аб сродках масавай інфармацыі“, калі прадпісаньне ня будзе выканана, то ліцэнзія на вяшчаньне можа быць прыпыненая Раскамнаглядам», — заявіў намесьнік кіраўніка ведамства Вадзім Субоцін.

Тэлекампанія CNN атрымала адміністрацыйнае папярэджаньне за няправільнае ўказаньне ў эфіры зыходных дадзеных.

Раней прадстаўнік Раскамнагляду растлумачыў, што «кампанія CNN атрымала адміністрацыйнае папярэджаньне за досыць банальнае парушэньне: няправільныя выходныя дадзеныя, якія яны па законе павінны паведамляць у эфіры». Ён дадаў, што «Такое часта здараецца».

Ваша меркаваньне

Паказаць камэнтары

XS
SM
MD
LG