Лінкі ўнівэрсальнага доступу

Намесьнік старшыні БНФ Ігар Лялькоў узяў самаадвод. Дэлегаты вылучылі дадаткова былога марскога афіцэра з Магілёва Аляксандра Страха і менскага прадпрымальніка, у мінулым супрацоўніка ЦК ЛКСМБ Васіля Астроўскага. У бюлетэні для галасаваньня засталося 6 прозьвішчаў: Ільля Дабратвор, Вольга Дамаскіна, Рыгор Кастусёў, Алесь Таўстыка, Аляксандар Страх, Васіль Астроўскі.

Кандыдаты павінны былі прапанаваць каманду сваіх намесьнікаў, як мінімум дваіх. Не абышлося без канфузу: Ільля Дабратвор прапанаваў адным з намесьнікаў Яраслава Берніковіча, якога даўно выключылі з партыі за парушэньне партыйнай дысцыпліны. Алесь Таўстыка — Уладзімера Падгола, які таксама ўжо ня сябра партыі.

Алесь Таўстыка
Алесь Таўстыка

Многія людзі, якіх прапаноўвалі намесьнікамі, першы раз пра гэта чулі, таму было шмат самаадводаў. Ільля Дабратвор сказаў, што гатовы быць намесьнікам у любога кіраўніка, Вольга Дамаскіна ад такой прапановы адмовілася.

Рыгор Кастусёў у сваім выступе расклаў па пунктах падрыхтоўку да ўсіх выбараў ад мясцовых да прэзыдэнцкіх, выклаў іншыя накірункі дзейнасьці.

Рыгор Кастусёў
Рыгор Кастусёў

Вольга Дамаскіна кажа, што вылучэньне 6 кандыдатаў на старшыню азначае, што ў партыі няма адзінства, няма аб‘ядноўчай асобы, таму яна гатовая змагацца за пасаду. Завяршыла свой выступ цытатай Маргарэт Тэтчэр: «Калі хочаце, каб вам нешта сказалі, клічце мужчыну, калі хочаце, каб нешта зрабілі — паклічце жанчыну».

Вольга Дамаскіна
Вольга Дамаскіна

Пачалося тайнае галасаваньне.


ХVIII справаздачна-выбарчы зьезд Партыі БНФ «Адраджэньне» праходзіць у Менску ў Палацы мастацтваў. У зьезьдзе бяруць удзел каля 170 дэлегатаў. На парадку дня — справаздача старшыні партыі БНФ «Адраджэньне» Аляксея Янукевіча, выбары новага партыйнага лідэра, ягоных намесьнікаў, Сойму партыі, вылучэньне кандыдата на прэзыдэнты на наступныя выбары ды іншае.

Ваша меркаваньне

Паказаць камэнтары

XS
SM
MD
LG