Лінкі ўнівэрсальнага доступу

У Барысаве судзяць заўзятара зь бел-чырвона-белым сьцягам. Ужывую

абноўлена

На матчы БАТЭ з «Арсэналам» Аляксандар Вянгерскі выбег на поле зь бел-чырвона-белым сьцягам.

На пытаньне журналісткі Радыё Свабода, чаму на паседжаньне суду яго даставілі бруднага, адказаў:

— У мяне ціск. Дрэнна было. Выклікалі хуткую.

Пазьней, адказваючы на пытаньні судзьдзі, Вянгерскі дадаў, што пасьля затрыманьня яго вывелі са стадыёну, паставілі на калені і білі па нырках.

Наступны сьведка, міліцыянт зь мясцовага РАУСу, сказаў, што падсудны супраціўляўся. Вянгерскі ў адказ заявіў, што гэтага міліцыянта не было падчас затрыманьня. Міліцыянт адказаў, што «ў форме ён нашмат сурʼёзьней выглядае», таму, маўляў, Вянгерскі яго і не пазнаў.

На Аляксандра Вянгерскага складзены пратакол за дробнае хуліганства, паводле арт. 17.1 КаАП яму пагражае штраф ад 2 да 30 базавых велічыняў (ад 46 да 690 рублёў) або адміністрацыйны арышт (да 15 сутак).

На матчы БАТЭ з «Арсэналам» заўзятар выбег на поле зь бел-чырвона-белым сьцягам. ВІДЭА

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG