«Сёньня раніцай фільм меў 70 тысяч адзнак аб чаканні і рэйтынг 62%. Цяпер, калі мы выдалілі ўсе скампрамэтаваныя адзнакі, іх засталося 17 тысяч, а агульны рэйтынг упаў да 21%», — напісала яна.
Гэта ня першы выпадак, калі на «Кинопоиске» з дапамогай масавых узломаў павялічваюць рэйтынг чаканьня расейскага фільму. Раней напады праводзіліся дзеля «Мафіі: Гульні на выжываньне» і «Галасы вялікай краіны». Абедзьве стужкі зьнятыя студыяй Enjoy Movies.
Фільм «Крым» зьняў прэзыдэнт медыяхолдынгу міністэрства абароны Расеі «Красная звезда», вядучы шоў «Человек і закон» на расейскім Першым канале Аляксей Піманаў. Ён выкладае расейскую вэрсію падзеяў падчас анэксіі Крыму. Бюджэт фільму — 400 млн. рублёў.
Перадпрэм’ерны паказ фільму адбыўся напярэдадні ў Крамлі. Відэа з залі апублікавала актывістка ультраправага руху НОД Марыя Катасонава.
