У Маскве праваахоўныя органы правяраюць ананімныя паведамленьні аб мініраваньні некалькіх гандлёвых цэнтраў, а таксама Кіеўскага, Казанскага і Ленінградзкага вакзалаў, паведамляе агенцтва ТАСС.
У сацыяльных сетках зьяўляюцца паведамленьні аб эвакуацыі некалькіх маскоўскіх ВНУ, уключаючы Маскоўскі дзяржаўны інстытут міжнародных зносін. Крыніца агенцтва «Москва» сьцьвярджае, што эвакуаваны ўнівэрсытэт імя Сечанава.
Суразмоўца агенцтва «Інтэрфакс» заявіў, што з улікам «хвалі падобных званкоў у рэгіёнах» у праваахоўных органаў ёсьць «падставы меркаваць, што дадзеныя званкі зьяўляюцца ілжывымі».
З-за ананімных званкоў аб мініраваньні ў больш чым дзясятку гарадоў Расеі за апошнія тры дні былі эвакуаваны вакзалы, навучальныя ўстановы, гандлёвыя цэнтры і іншыя аб’екты. Пра выяўленьне выбуховых прылад пакуль не паведамлялася.
