Паводле бацькоў выхаванцаў, дзеці незадаволеныя ежай, якую даюць у школе-інтэрнаце. Яны сьцьвярджаюць, што ўжо чатыры разы зь мінулага тыдня дзеці знаходзілі ў ежы лічынкі мясной мухі, — апарышы, — але не змаглі іх сфатаграфаваць у якасьці доказу, паколькі тэлефоны ў школе забароненыя.
Адзін з вучняў, які пажадаў застацца ананімным, у гутарцы з журналістамі РБК сказаў, што ў кашы былі не апарышы, а чарвякі.
«Кадэты адмовіліся прымаць ежу ў свой час абеду. Наконт чарвякоў — гэта чарвякі, якія заводзяцца ў крупах пры дрэнных умовах захоўваньня, а не апарышы», — патлумачыў ён.
Дырэктар Томскага кадэцкага корпусу Уладзімір Брыкаў напісаў заяву на звальненьне, якая была задаволеная. У абласным дэпартамэнце агульнай адукацыі паведамілі, што дырэктар прызнаўся, што ня справіўся з абавязкамі.
