Пра гэта ТАСС паведамілі ў прэс-службе Галоўнага ўпраўлення МУС па Маскоўскай вобласьці.
Пацярпелі чатыры чалавекі, у тым ліку настаўніца. Сам нападнік затрыманы. Школу зачынілі.
Як распавёў РБК сьведка падзей, вучань 9-й клясы страляў, як мяркуецца, з пнэўматычнай зброі. Ён крычаў, што прыйшоў сюды памерці. Ён стрэліў у галаву настаўніцы інфарматыкі. Яго аднаклясьнікі, спалохаўшыся стральбы, скакалі з вокнаў. У выніку трое з іх атрымалі пераломы.
Міністэрства надзвычайных сытуацый абвергла паведамленьні аб тым, што ў школе адбыўся пажар праз выбух пэтардаў у клясе.