Расейскае выданьне часопісу Forbes апублікавала штогадовы рэйтынг Forbes Woman — самых багатых жонак расейскіх дзяржаўных чыноўнікаў. Сьпіс складзены паводле дадзеных дэклярацыяў аб даходах дзяржаўных службоўцаў за 2016-ы год.
Як высьветліў Forbes, «не заўсёды чыноўнікі і народныя абраньнікі зарабляюць больш, чым іх сужэнцы — у шэрагу выпадкаў жонкі атрымліваюць у сотні разоў больш».
1 месца. Жонка прэзыдэнта Татарстану Рустэма Мініханава з прыбыткам 2,351 рублёў. Гульсіна Мініханава — суўладальніца кампаніі «Лучана», якой належаць гатэль, спа-комплекс, рэстаран і фітнэс-клюб у Казані.
2. Жонка дэпутата Улан-Удэнскага гарадзкога савету Раіса Брэдній (з прыбыткам 1,924 млрд рублёў). Брэдній — кіраўнічы дырэктар кампаніі «Тытан». Яе муж, які ўзначальвае гэтую кампанію, задэкляраваў даход у 903 мільёнаў рублёў.
3. Жонка губэрнатара Бранскай вобласьці Вольга Багамаз (яна — суўладальніца фэрмэрскай гаспадаркі, якая вырошчвае бульбу). Яе даход летась склаў 864 мільёнаў рублёў.
4. Жонка кіраўніка «Ростеха» Сяргея Чэмезава Кацярына Ігнатава з прыбыткам у 848,5 млн руб. Ігнатава, паведамляе Forbes, акцыянэр банку МФК. Чэмезаў ў 2016 годзе зарабіў 210 мільёнаў рублёў.
5. Жонка дэпутата Дзярждумы Аляксандра Мікалаева задэкляравала даход у 646 млн рублёў (для параўнаньня, яе муж даў справаздачу аб заробленых у 2016 годзе 4,9 млн рублёў). Алена Някрасава — суўладальніца кампаніяў, якія ўваходзяць у холдынг «Лідэр Груп».
У рэйтынгу леташняга году на першым месцы была жонка губэрнатара Бранскай вобласьці Вольга Багамаз (з прыбыткам 695,4 млн рублёў)