Лінкі ўнівэрсальнага доступу

Эўрапейская кінаакадэмія запатрабавала ад уладаў Расеі вызваліць Кірыла Сярэбранікава


Кірыл Сярэбранікаў

Рэжысэры, якія падпісалі зварот да расейскіх уладаў, заяўляюць пра палітычныя матывы арышту Кірыла Сярэбранікава.

Эўрапейская кінаакадэмія выказала «глыбокую заклапочанасьць» у сувязі са зьняволеньнем пад хатні арышт расейскага рэжысэра Кірыла Сярэбранікава. Больш за два дзесяткі членаў акадэміі падпісалі заклік да расейскіх уладаў «неадкладна вызваліць» Сярэбранікава.

У звароце, апублікаваным на сайце Эўрапейскай кінаакадэміі, Сярэбранікаў названы «адным з найбольш вядомых» тэатральных і кінарэжысэраў. Яго працы былі адзначаны акадэміяй ў 2013 годзе (фільм «Здрада») і ў 2016 (фільм «Вучань»). Работы Кірыла Сярэбранікава ўдзельнічалі ў Канскім і Вэнэцыянскім кінафэстывалях, а таксама ў кінафэстывалі ў Лякарна.

У адкрытым лісьце членаў Эўрапейскай кінаакадэміі адзначаецца, што ёсьць падставы лічыць арышт Сярэбранікава «палітычна матываваным». Расейскі рэжысэр павінен быць вызвалены неадкладна і без папярэдніх умоў і яму павінны быць гарантаваныя свабода перамяшчэньня і свабода творчасьці, гаворыцца ў звароце Эўрапейскай кінаакадэміі.

Ваша меркаваньне

Паказаць камэнтары

XS
SM
MD
LG