Лінкі ўнівэрсальнага доступу

Міністар адукацыі хоча ведаць, хто з настаўнікаў працуе рэпэтытарам


Ілюстрацыйнае фота

Беларускіх настаўнікаў могуць абавязаць інфармаваць наймальнікаў пра заняткі рэпетытарствам.

За гэта ў часе рэспубліканскай пэдагагічнай нарады выказаўся міністар адукацыі Ігар Карпенка.

На думку чыноўніка, аналіз сытуацыі засьведчыў, што выкладчыкі, задзейнічаныя ў прыёмных кампаніях у ВНУ ці на ўступных выпрабаваньнях у гімназіях, адначасова зьяўляліся і рэпэтытарамі.

Ігар Карпенка
Ігар Карпенка

«А ці не завуаляваная гэта форма карупцыі? — занепакоіўся міністар. — Таму для выключэньня магчымых канфліктаў інтарэсаў і карупцыйных рызыкаў ва ўстановах адукацыі міністэрства прапануе ўвесьці ў кантракты норму аб тым, што пэдагог абавязаны інфармаваць наймальніка аб ажыцьцяўленьні ім дзейнасьці ў якасьці рэпэтытара».

Карпенка лічыць, што настаўнік, які не імкнецца эфэктыўна выкарыстоўваць кожную хвіліну уроку, каб навучыць дзіця, найперш зацікаўлены ў тым, каб прапанаваць паслугі рэпэтытара.

Ваша меркаваньне

Паказаць камэнтары

XS
SM
MD
LG