Лінкі ўнівэрсальнага доступу

У расейскім Архангельску паставілі помнік Сталіну. ФОТА


Ілюстрацыйнае фота
Ілюстрацыйнае фота

Суд у Архангельску, што на паўночным захадзе Расеі, аштрафаваў на 15 тысяч расейскіх рублёў (каля 490 беларускіх) каардынатара руху ўшанаваньня памяці ахвяраў сталінскіх рэпрэсіяў «Апошні адрас» Дзьмітрыя Казлова.

Яго віна палягае ў тым, што на дом, прызнаны помнікам гісторыі і архітэктуры, павесіў мэмарыяльную шыльду ў памяць чалавека, які жыў там да арышту і расстрэлу ў 1938 годзе. Дом пры гэтым лічыцца ў сьпісах на знос.

Перад судом за Казлова заступіўся Савет у пытаньнях правоў чалавека пры прэзыдэнце Расеі, але ад штрафу гэта не ўратавала (сума штрафу далёкая ад максымальнай у 200 тысяч расейскіх рублёў). Тым ня менш шыльду вырашылі не дэмантаваць.

Казлоў кажа, што будзе абскарджваць рашэньне і мае намер далей вешаць мэмарыяльныя шыльды на дамах, дзе жылі рэпрэсаваныя ў сталінскія часы. Але цяпер будзе імкнуцца выконваць усе адміністрацыйныя працэдуры, хоць ня ўсе зь іх дакладна апісаныя. Так, суд пастанавіў у тым ліку, што ў заяўцы Казлова на ўстаноўку шыльды не было зьвестак пра тып шрубаў, якімі яна замацаваная.

За ўстаноўку шыльды зьбіраліся подпісы жыхароў дома, Казлоў размаўляў зь імі асабіста, таму ня думае, што на шыльду паскардзіўся нехта з жыхароў. Ён падазрае, што суд неяк зьвязаны з «тымі сіламі», што стаяць за ўстаноўкай помніка Сталіну ў Архангельску, які быў адкрыты на паркоўцы аднаго зь бізнэс-цэнтраў у сьнежні 2016 году.

«Апошні адрас» заснаваў расейскі журналіст, стваральнік часопісу «Итоги», былы галоўны рэдактар «Вокруг света» і сузаснавальнік праекту супраць плягіяту ў навуцы «Диссернет» Сяргей Пархоменка. Праект падтрымлівае таварыства «Мэмарыял», але фінансуецца праект за кошт ахвяраваньняў простых грамадзянаў. «Апошні адрас» дзейнічае ня толькі ў Архангельску, а хіба не па ўсёй Расеі, а таксама ў Чэхіі; праект плянуецца запусьціць у Малдове. Ва Ўкраіне дзейнічае асобны праект «Остання адреса — Україна», натхнёны расейскім прыкладам.

Чытайце інтэрвію зь Дзьмітрыем Казловым на сайце расейскай службы Свабоды >>>

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG