Лінкі ўнівэрсальнага доступу

На магілах бацькоў Васіля Быкава і ягонай сястры Валянціны сёньня зьявяцца новыя помнікі


Браты Бакіноўскія з Заслаўя, якія зрабілі помнікі

Бацькі Васіля Быкава, Уладзімер Фёдаравіч і Ганна Рыгораўна, усё жыцьцё пражылі ў роднай вёсцы Бычкі Вушацкага раёну, тамсама і пахаваныя.​

Помнікі з гранітнай крошкі з часам папсаваліся, і грамадзкі актывіст Глеб Лабадзенка прапанаваў грамадой сабраць грошы на новыя, з больш трывалага матэрыялу. А заадно паставіць і помнік на магіле сястры Валянціны, якая летась памерла і была пахаваная ў вёсцы Ваўчо.

Валянціна Быкава каля магілаў бацькоў, 2014 год
Валянціна Быкава каля магілаў бацькоў, 2014 год

Паводле папярэдніх падлікаў Глеба Лабадзенкі, кошт трох помнікаў меў скласьці каля 500 даляраў. Пасьля ягонай абвесткі на «Фэйсбуку» і ў незалежных мэдыя на ініцыятыву адгукнуліся браты Бакіноўскія з Заслаўя.

Іван Бакіноўскі, адзін з уладальнікаў фірмы «Гранітны сьвет», паабяцаў, што з братам дарма зробяць тры гранітныя помнікі для бацькоў і сястры Васіля Быкава. Сваё слова прадпрымальнікі стрымалі: у пачатку жніўня помнікі былі гатовыя. Каля 150 даляраў, сабраных яшчэ да прапановы заслаўскіх спонсараў, Глеб Лабадзенка мяркуе перадаць ім, каб кампэнсаваць сродкі за транспартаваньне і ўстаноўку помнікаў.

Сёньня новыя помнікі маюць паставіць на магілах бацькоў Васіля Быкава і ягонай сястры Валянціны.

Сам Васіль Быкаў пахаваны ў Менску на Ўсходніх могілках.

XS
SM
MD
LG