Ля коласаўскай магілы сабраліся чальцы сям’і, калегі-творцы, грамадзкія дзеячы, навукоўцы. Пасьля была экскурсія па месцах, дзе паэт жыў і працаваў.
Як піша партал onliner.by , сярод традыцыйных слоў прагучала і нечаканая ідэя: перайменаваць сталічны парк імя Максіма Горкага ў парк імя Якуба Коласа.
З такой ініцыятывай выступіў скульптар Іван Міско, аўтар вядомага помніка Горкаму ў гэтым самым парку.
Іван Міско нагадаў, што да Другой усясьветнай вайны на тэрыторыі парку быў дом Якуба Коласа — цяпер там мэмарыяльная шыльда.
