Лінкі ўнівэрсальнага доступу

Трамп назваў Вашынгтон «памыйнай ямай»


Прэзыдэнт ЗША Дональд Трамп

Прэзыдэнт ЗША Дональд Трамп прыбыў у Заходнюю Вірджынію, дзе яго чакалі 40 тысяч бойскаўтаў. Трамп сказаў ім, што быў рады зьехаць з Вашынгтону, які ён апісаў як «памыйную яму» і «сьцёкавую канаву».

«Хто наагул хоча гаварыць пра палітыку?» — выгукнуў Трамп, заявіўшы хлопчыкам, што хоча гаварыць пра тое, як яны могуць увасобіць свае мары. Але ўжо неўзабаве ён зноў вярнуўся да палітыкі, і аўдыторыі гэта вельмі спадабалася. Падлеткі пачалі крычаць, як быццам глядзелі двубой у вольнай барацьбе.

«Я прыяжджаю ў Вашынгтон і бачу ўсіх гэтых палітыкаў, бачу гэтае балота, і гэта нядобрае месца».
Дональд Трамп

«Я прыяжджаю ў Вашынгтон і бачу ўсіх гэтых палітыкаў, бачу гэтае балота, і гэта нядобрае месца, — сказаў Трамп. — Сёньня я кажу, што замест слова „балота“ нам трэба выкарыстоўваць словы „памыйная яма“ ці „сьцёкавая канава“».

«Гэта нядобрае месца. Я бачу, што адбываецца, і, паверце мне, мне значна больш падабаецца быць з вамі», — дадаў ён.

Ён сказаў хлопчыкам, што СМІ несумленныя і не пакажуць іхны зьлёт у тэлевізіі. «Ілжывыя СМІ, хлусьлівыя СМІ», — сказаў Трамп пад гул ухвалы і сьвіст аўдыторыі.

Але самыя гучныя аплядысмэнты і насьмешкі пачуліся, калі Трамп згадаў свайго папярэдніка, прэзыдэнта Барака Абаму, які адхіляў прапановы выступіць на зьлёце скаўтаў, калі знаходзіўся пры ўладзе.

«Дарэчы, проста пытаньне: прэзыдэнт Абама хоць раз прыяжджаў на зьлёт?» — спытаў Трамп.

Абама крытычна ставіўся да забароны чальцоўства ў арганізацыі для геяў. У 2015 годзе гэтая забарона была канчаткова скасаваная.

Паводле прэзыдэнта Трампа, у ягоным кабінэце і Белым доме працуюць 10 былых бойскаўтаў. Некаторых зь іх, у тым ліку міністра аховы здароўя Тома Прайса, ён запрасіў падняцца на сцэну, каб паказаць прыклад лідэрскай ролі бойскаўтаў на практыцы.

Ваша меркаваньне

Паказаць камэнтары

XS
SM
MD
LG