Лінкі ўнівэрсальнага доступу

Siemens праз суд патрабуе вярнуць турбіну з Крыму


Газавая турбіна камбінаванага цыклю Siemens

Нямецкая кампанія Siemens падала пазоў у Арбітражны суд Масквы супраць кампаніі «Технопромэкспорт», якая ўваходзіць у структуру «Ростеха», і пецярбурскага сумеснага прадпрыемства «Siemens технологии газовых турбин».

Канцэрн запатрабаваў вярнуць у Тамань турбіны, якія раней былі адпраўленыя ў анэксаваны Крым, і прадухіліць далейшыя нелегальныя пастаўкі на паўвостраў. Па дадзеных Reuters, Siemens перагледзіць пляны па разьвіцьці бізнэсу ў Расеі пасьля скандалу з турбінамі.

10 ліпеня Siemens пацьвердзіў, што як мінімум дзьве газавыя турбіны яго вытворчасьці нелегальна патрапілі ў анэксаваны Расеяй Крым. Канцэрн заявіў, што турбіны прызначаліся для энэргетычнага праекту на Таманскім паўвостраве.

Пра тое, што газавыя турбіны вытворчасьці Siemens апынуліся ў Севастопалі ў абыход санкцыяў Эўразьвязу, раней паведаміла агенцтва Reuters. У «Технопромэкспорт» настойваюць, што турбіну для Крыму набылі на другасным рынку і правялі мадэрнізацыю ўстановак сваімі сіламі. Крэмль заявіў, што на паўвостраве ўсталёўваюць турбіны расейскай вытворчасьці, сабраныя з расейскіх кампанэнтаў.

Аб плянах Расеі ўсталяваць на электрастанцыях, якія будуюцца ў Крыме, абсталяваньне Siemens два гады таму паведамляла газэта «Ведомости». Санкцыі ЭЗ забараняюць эўрапейскім кампаніям пастаўляць энэргетычныя тэхналёгіі на тэрыторыю паўвострава.

Ваша меркаваньне

Паказаць камэнтары

XS
SM
MD
LG