Тэмамі гутаркі будуць француска-беларускае палітычнае і эканамічнае супрацоўніцтва, пэрспэктывы Беларусі на эўрапейскім кантынэнце і ў сувязях з Эўразьвязам, а таксама беларускія падзеі — ад пратэстаў «недармаедаў» да ўвядзеньня 5-дзённага бязьвізавага рэжыму.
Вы можаце прапанаваць свае пытаньні да спадара Канэса. Найбольш цікавыя будуць агучаныя ў апошняй частцы трансьляцыі, амбасадар гатовы адказаць на іх.
Пісаць пытаньні можна як у камэнтары да гэтай навіны, так і ў камэнтарах пад трансьляцыямі на Youtube і Facebook.
Дзідзье Канэс быў прызначаны амбасадарам у Беларусі ў жніўні 2016 году. Яму 55 гадоў, скончыў факультэт расейскай мовы і гісторыі, у дыпляматыі з 1994 году. Раней працаваў намесьнікам дырэктара Крызіснага цэнтру МЗС Францыі, намесьнікам прадстаўніка Францыі пры Камітэце палітыкі і бясьпекі Эўразьвязу, першым сакратаром сталага прадстаўніцтва Францыі ў АБСЭ і першым сакратаром у амбасадзе Францыі ў Лёндане.