Лінкі ўнівэрсальнага доступу

«Беларусам ня трэба спэкуляцыі на дэмакратыі і правах чалавека», — Лукашэнка павіншаваў з Днём Незалежнасьці


Тэкст афіцыйнага віншаваньня Аляксандра Лукашэнкі распаўсюджаны прэс-службай кіраўніка краіны напярэдадні дзяржаўнага сьвята 3 ліпеня.

«За апошнія гады шмат што памянялася: і краіна, і людзі, якія ў ёй жывуць. Нязьменным засталося жаданьне кожнага з нас жыць у свабоднай і мірнай дзяржаве, — гаворыцца ў звароце. — Беларусам ня трэба ўзрушэньні, войны і рэвалюцыі, спэкуляцыя на дэмакратыі і правах чалавека. У нас ёсьць правераныя часам ідэалы і каштоўнасьці, і мы нікому не дазволім навязваць іншае».

Дзень Незалежнасьці Беларусі стаў адзначацца 3 ліпеня пасьля ініцыяванага асабіста Аляксандрам Лукашэнкам рэспубліканскага рэфэрэндуму 1996 году. Дата абраная з нагоды вызваленьня Менску з-пад нацысцкай акупацыі 3 ліпеня 1944 году. Першы вайсковы парад з гэтай нагоды адбыўся ў 1997 годзе.

З 1991 году Дзень Незалежнасьці адзначаўся 27 ліпеня — дзень прыняцьця Дэклярацыі пра дзяржаўны сувэрэнітэт БССР.

Ваша меркаваньне

Паказаць камэнтары

XS
SM
MD
LG