Лінкі ўнівэрсальнага доступу

Мэркель далучылася да крытыкі ўзмацненьня санкцыяў супраць Расеі


Канцлер Нямеччыны Ангела Мэркель далучылася да крытыкі ўзмацненьня жорсткасьці санкцыяў супраць Расеі, за якое напярэдадні прагаласаваў Сэнат ЗША.

Паводле прэс-сакратара ўраду Нямеччыны Штэфэна Зайбэрта, канцлер выказала зьдзіўленьне тым фактам, што пры ўзмацненьні жорсткасьці санкцыяў супраць Расеі пад удар трапляе эўрапейская эканоміка. «Так быць не павінна», — адзначыў Зайбэрт, падкрэсьліўшы, што эканамічныя інтарэсы і пытаньні санкцыяў павінны быць разьдзеленыя.

Напярэдадні міністар замежных справаў ФРГ Зыгмар Габрыэль і фэдэральны канцлер Аўстрыі Крысьціян Кэрн выступілі з сумеснай заявай, у якой рэзка раскрытыкавалі ўзмацненьне санкцыяў супраць Расеі. На іх думку, пашырэньнем сьпісу штрафных захадаў супраць Расеі ЗША перасьледуюць уласныя эканамічныя інтарэсы і спрабуюць націснуць на эўрапейскія кампаніі.

XS
SM
MD
LG