Лінкі ўнівэрсальнага доступу

Сэнсацыя: знойдзены другі партрэт Скарыны


Францішак Скарына — справа ў чырвонай мантыі

На міжнародным сымпозіюме «Францішак Скарына і Прага», які праходзіць сёньня ў сталіцы Чэхіі, навуковец з Карлавага ўнівэрсытэту Пэтр Войт заявіў, што ідэнтыфікаваў другі партрэт беларускага асьветніка.

Пэтр Войт, сярод іншага, прысьвячае дасьледаваньне ідэнтыфікацыі прататыпаў так званых крыптапартрэтаў Скарынаўскай Бібліі.

Пад крыптапартрэтыстыкай разумееца наданьне вобразам біблійных пэрсанажаў на ілюстрацыях рысаў сапраўдных гістарычных пэрсанажаў.

Пэтр Войт на ілюстрацыях Бібліі Скарыны ў тоўстым мужчыну з вусамі распазнаў чэскага караля Іржы з Подзебрад, у цару Салямону — караля Ўладзіслава ІІ Ягайлавіча, у цару Давыду — караля Людвіка Ягайлавіча, у прароку Самуілу — Папу Рымскага Юліюса ІІ.

А партрэт маладога бязвусага чалавека ў чырвонай доктарскай мантыі, які моліцца на каленях перад Хрыстом на каляровай ілюстрацыі ў кнізе Прамудрасьці Божай, Пэтр Войт прапанаваў лічыць другім партрэтам Францішка Скарыны.

Пра лёгіку і навуковыя аргумэнты чэскага дасьледніка чытайце на нашым сайце ў наступныя дні ў інтэрвію Пэтра Войта.

  • 16x9 Image

    Сяргей Абламейка

    Сяргей Абламейка нарадзіўся ў Менску. Скончыў гістарычны факультэт БДУ. Працаваў сьлесарам на МАЗе, выкладаў гісторыю ў школе, быў навуковым супрацоўнікам Музэю народнай архітэктуры і побыту, пасьля Скарынаўскага цэнтру. На «Свабодзе» – зь верасьня 1990 году, з траўня 1995 году – у Празе. Пісьменьнік, гісторык, журналіст.

Ваша меркаваньне

Паказаць камэнтары

XS
SM
MD
LG