Лінкі ўнівэрсальнага доступу

БРСМ ня змог сабраць грошы на ваенны фэстываль


75-я ўгодкі Вялікай Айчыннай вайны ў Берасьці. 22 чэрвеня 2016 году

На сайце Ulej.by завершылася правалам кампанія збору сродкаў на фэстываль да гадавіны пачатку Вялікай айчыннай вайны «22 июня 1941 года. Брестская крепость».

Але фэстываль усё роўна пройдзе — за кошт бюджэтных сродкаў і грошай берасцейскіх фірмаў і прадпрыемстваў, сьцьвярджае «Белсат».

БРСМ прасіў ахвяраваць 5000 беларускіх рублёў на праект фэстывалю з танцамі, сьпевамі і рэканструкцыяй баёў. Ды праз «Вулей» сабралі толькі 430 рублёў — 9% ад неабходнай сумы. Паводле крыніцаў «Белсату», гарвыканкам зьвярнуўся да прадпрыемстваў Берасьця па дапамогу ў фінансаваньні фэстывалю пад пагрозай праверак і міліцыі.

Фэстываль мае прайсьці ўжо шосты раз, на яго чакаюць да 40 тысяч гасьцей. Летась адным зь мерапрыемстваў фэстывалю было ўскладаньне кветак да помніка байцам-чэкістам. Сябры БРСМ ускладалі кветкі ў форме НКВД.

22 чэрвеня 1941 году нацысцкая Нямеччына напала на СССР — пачалася вайна, вядомая ў СССР як Вялікая айчынная. У сьвеце яна лічыцца складнікам Другой усясьветнай вайны, што ішла ад 1939 году. У Другой усясьветнай СССР спачатку хаўрусьнічаў з нацыстамі, напаў на Фінляндыю, падпісаў пакт Молатава — Рыбэнтропа, падзяліў зь Нямеччынай тэрыторыю Польшчы, правёў супольны з нацыстамі парад у Берасьці.

22 чэрвеня беларускім вокам

Ваша меркаваньне

Паказаць камэнтары

XS
SM
MD
LG