Лінкі ўнівэрсальнага доступу

У Пецярбургу вынесьлі прысуд чатыром удзельнікам пратэстаў 12 чэрвеня


Антыкарупцыйны мітынг у Маскве 12 чэрвеня 2017

Дзяржынскі суд Пецярбургу прызнаў чатырох затрыманых падчас антыкарупцыйным мітынгу 12 чэрвеня вінаватымі.

Траіх фігурантаў пакаралі арыштам на 10 сутак і штрафам 10 тысяч рублёў. Яшчэ адна дзяўчына мусіць выплаціць тысячу рублёў.

Усяго ў Пецярбургу затрымалі звыш 548 чалавек, ва ўсёй Расеі — звыш 1500 чалавек.

12 чэрвеня суд Масквы арыштаваў на 30 сутак апазыцыйнага палітыка Аляксея Навальнага. Яго прызналі вінаватым у двух адміністрацыйных правапарушэньнях за «паўторнае парушэньне правілаў арганізацыі мітынгаў» і «непадпарадкаваньне законнаму распараджэньню супрацоўніка паліцыі».

У Савеце па правах чалавека пры прэзыдэнце Расеі заявілі, што падчас антыкарупцыйных акцыяў у Маскве паліцыя дзейнічала «спакойна» і «карэктна».

XS
SM
MD
LG