Лінкі ўнівэрсальнага доступу

Найлепшыя думкі


Морыц фон Швінд, «Зранку» (1858)
Морыц фон Швінд, «Зранку» (1858)

Найлепшыя думкі прыходзяць зранку, па дарозе на работу, калі паўсонны мозг, вольны яшчэ ад будзённай рутыны, тусуе рэшткі начных відзяжоў з відарысамі ранішняга горада. Асабліва спрыяе гэтаму дождж і слота, выпрабаваныя хаўрусьнікі мэлянхоліі і самакапаньня. На жаль, большасьць тых думак лёгка губляецца ў дзённай гонцы, і такая творчасьць — узбочны прадукт жыцьцядзейнасьці — не пакідае межаў адной галавы. Але цешыць надзеяй, што калісьці, калі зранку ня трэба будзе езьдзіць на працу, вось тады…

Ды чым бліжэй пэнсія, тым ясьней разумееш — разам з працай і штодзённым тлумам можа скончыцца і «ўзбочны прадукт» — тыя нечаканыя, неабавязковыя, але найлепшыя думкі-мроі, што грэюць маладых ды аптымістых.

Васіль Аўраменка

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ваша меркаваньне

Паказаць камэнтары

XS
SM
MD
LG