Лінкі ўнівэрсальнага доступу

Усё толькі пачынаецца


Ўінслаў Гомэр, «Сумны хлопец» (1873)

Чэрвеньскі дзень, сонца акупавала горад. Гарачыня. Лянота. Вуліцы амаль абязьлюдзелі, сабакі, цяжка дыхаючы, шукаюць ценю.

Мы стаміліся. Мы дзьве гадзіны ганялі ў футбол, потым з асалодай пілі ваду з-пад калёнкі, а цяпер ляжым на траве і глядзім, як самалёт дзеліць неба белай мяжой напалову. Мы маўчым. Але я ведаю, што ўсе сябры ў гэты момант думаюць пра адно — як крута было б наўпрост адсюль трапіць у самалёт і абляцець увесь сьвет!

Вецер і дзьмухаўцы засыпаюць нас парашутамі-сямянкамі. Я ўсьміхаюся. Я ўпэўнены, што наш самалёт яшчэ дачакаецца нас. Бо колькі нам — усяго толькі па адзінаццаць гадоў. У нас яшчэ ўсё наперадзе!

Вадзім Крук

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

XS
SM
MD
LG