Служба бясьпекі Украіны (СБУ) заявіла аб выкрыцьці расейскай агентурнай сеткі ў зоне ўзброенага канфлікту на Данбасе. Пра гэта паведамляе «Украінская праўда» са спасылкай на прэс-рэліз ведамства.
Паводле СБУ, двое жыхароў Лісічанску і Канстанцінаўкі былі завэрбаваныя і атрымалі заданьне ад куратараў, якія знаходзяцца ў Луганску. У задачу агентаў уваходзіў збор інфармацыі аб перамяшчэньні ўкраінскіх войскаў і аб іх абарончых збудаваньнях.
У ведамстве паведамілі аб затрыманьні двух мужчын, якім прад’яўленыя абвінавачваньні ў стварэньні тэрарыстычнай групы. Таксама былі затрыманыя трое жыхароў Данбасу, якія, як мяркуецца, уваходзілі ў агентурную сетку.
Расейскі бок пакуль не пракамэнтаваў заяву СБУ.
