Лінкі ўнівэрсальнага доступу

WikiLeaks: ЗША ведалі аб фінансавай падтрымцы «ісламскай дзяржавы» Катарам


Улады ЗША, як сьцьвярджае WikiLeaks, ведалі пра тое, што Катар аказвае фінансавую дапамогу тэрарыстычным групоўкам у рэгіёне, у тым ліку «ісламскай дзяржаве».

Пра гэта, у прыватнасьці, гаворыцца ў лісьце былога кандыдата ў прэзыдэнты ЗША Гілары Клінтан, апублікаваным у твітэры WikiLeaks.

Пры гэтым дакладная дата адпраўкі ліста не паказаная. У ім таксама згадваецца Сырыя.

5 чэрвеня шэраг арабскіх дзяржаваў, уключаючы Эгіпет, Савудаўскую Арабію, Аб’яднаныя Арабскія Эміраты, Бахрэйн і Лібію, разарвалі дыпляматычныя адносіны з Катарам. Паводле заяваў арабскіх лідэраў, Доха аказвае падтрымку радыкальным ісламістам і Ірану.

Паводле газэты The Financial Times, Катар сапраўды заплаціў тэрарыстам, зьвязаным з «Аль-Каідай», выкуп роўны 1 мільярду даляраў за вызваленьне каралеўскай сям’і, захопленай баевікамі падчас паляваньне на поўдні Іраку, і за катарскіх вайскоўцаў, якія трапілі ў палон ў Сырыі. Крыніцы выданьня не выключаюць, што гэты мільярдны выкуп мог стаць падставай для абвінавачаньняў Дохі ў падтрымцы тэрарызму і разрыву дыпляматычных адносін з Катарам.

Ваша меркаваньне

Паказаць камэнтары

XS
SM
MD
LG