Лінкі ўнівэрсальнага доступу

На якой мове павінны працаваць СМІ ў Беларусі? Гурневіч супраць Дракахруста


На якой мове беларусы хочуць атрымліваць інфармацыю: па-беларуску, па-расейску або, можа, на іншай мове? Ці ёсьць розьніца, на якой мове працуюць СМІ?

На гэтыя тэмы сёньня ў «Экспэртызе Свабоды» дыскутуюць журналісты Радыё Свабода Дзьмітры Гурневіч і Юры Дракахруст.

За беларускую мову

1. Беларуская мова ў СМІ супрацьстаіць несправядлівай русыфікацыі Беларусі.

2. Беларуская мова — родная для большасьці насельніцтва краіны.

3. Трэба павялічваць прастору беларускай мовы ў СМІ, бо ў Беларусі дзьве дзяржаўныя мовы. Асноўная мова СМІ цяпер — расейская. Гэта парушае прынцып роўнасьці моваў.

4. Беларуская мова — прышчэпка супраць уплыву расейскай прапаганды.

5. Беларусы не пратэстуюць супраць беларускай мовы ў СМІ і не патрабуюць зьмены мовы ў СМІ на расейскую.

6. Некаторыя беларускамоўныя СМІ, перайшоўшы на расейскую, страчвалі сваю аўдыторыю.

За расейскую мову

1. Расейская мова беларускіх СМІ — гэта пажаданьне беларускай аўдыторыі і адлюстраваньне яе густу

2. Паводле перапісу, большасьць насельніцтва Беларусі ў штодзённым жыцьці карыстаецца расейскай мовай.

3. Расейская мова больш зручная для расейскамоўнай большасьці.

4. Для працы СМІ ра-расейску прасьцей знайсьці фінансавую падтрымку і ажыцьцяўляць місію прасоўваньня дэмакратыі.

5. Рынак дыктуе большае запатрабаваньне на расейскую мову ў Беларусі.

6. Самае моцнае супрацьстаяньне «Русскому миру» стварае расейскамоўны tut.by, а не беларускамоўныя СМІ.

Ваша меркаваньне

Паказаць камэнтары

XS
SM
MD
LG