Абвешчаны прыём заявак на Прэмію імя Карласа Шэрмана. Узнагарода будзе ўручаная перакладчыкам за найлепшую мастацкую кнігу, перакладзеную на беларускую мову і выдадзеную ў папяровым або электронным варыянце цягам 2016 г.
Пераможца атрымае ад Дабрачыннага фонду «Вяртаньне» чэк на суму, эквівалентную 2000 у.а.
Заяўкі прымаюцца да 30 чэрвеня.
Прэмія за найлепшую перакладную кнігу заснаваная ў 2016 г. у гонар выдатнага беларускага літаратурнага перакладчыка Карласа Шэрмана (1934 — 2005) і носіць яго імя. Сузаснавальнікі прэміі — Саюз беларускіх пісьменьнікаў, Беларускі ПЭН-цэнтр і Міжнародны дабрачынны Фонд «Вяртанне».
Першым пераможцам прэміі летась стаў перакладчык фінскага эпасу «Калевала» Якуб Лапатка.
Склад журы прэміі будзе абвешчаны пазьней.