Лінкі ўнівэрсальнага доступу

9 з 10 школаў Менску пачнуць заняткі з 9 раніцы. Нягледзячы на нязгоду Мікалая Лукашэнкі


У наступным навучальным годзе ў 217 менскіх школах заняткі будуць пачынацца а 9-й раніцы, яшчэ ў 22-х — а 8:30, і толькі ў дзьвюх — па-ранейшаму а 8-й раніцы, перадаюць «Менск-Навіны» заяву старшыні камітэту адукацыі Менгарвыканкаму Міхаіла Мірончыка. У новай школе № 41 час пачатку заняткаў будзе вызначаны, «зыходзячы з колькасьці навучэнцаў».

Пры гэтым 116 школаў будуць працаваць у адну зьмену, 126 — у дзьве зьмены. Тыя, што працуюць у дзьве зьмены, таксама будуць у асноўным пачынаць заняткі а 9-й раніцы (19 школаў — а 8:30, адна — а 8-й).

Як будуць пачынацца заняткі ў школах іншых населеных пунктаў Беларусі, пакуль невядома.

«Будзем працаваць больш за яшчэ меншыя грошы», — настаўнікі і бацькі пра перанос урокаў на 9 гадзіну

Ідэю аб пераносе пачатку заняткаў Аляксандар Лукашэнка агучыў 21 красавіка ў час штогадовага пасланьня да беларускага народу. Тады ён спаслаўся на малодшага сына Мікалая Лукашэнку: маўляў, той сьпіць на ўроках, а ў школах «інвалідаў рыхтуюць», што потым «у войску служыць няма каму». У траўні Аляксандар Лукашэнка сапраўды ўзяўся за адукацыю: будуць абноўленыя навучальныя праграмы, раённыя ўпраўленьні адукацыі рэкамэндавалі пачынаць урокі а 9-й раніцы.

Але 26 траўня Аляксандар Лукашэнка заявіў, што Мікалай яму запярэчыў: «Ты ня тое робіш, ня трэба ў 9 гадзін. Як бацькі дзяцей павязуць? Гэта ж ня сын прэзыдэнта едзе».

Ды падобна, што на нязгоду Мікалая Лукашэнкі пакуль не адрэагавалі.

«Як хочаце рабіце!» Як нечаканыя жаданьні Лукашэнкі станавіліся законамі

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG