Як паведамляе расейскае агенцтва РИА Новости, у якасьці прыкладу кіраўнік Расейскай праваслаўнай царквы прывёў дэманстрацыі праціўнікаў аднаполых шлюбаў у Францыі.
Паводле патрыярха, законы, якія супярэчаць маральным прынцыпам, «перастаюць быць для чалавека абавязковымі». Паводле яго словаў, усе законы «другасныя ў адносінах да маральнасьці».
Закон, які дазваляе аднаполым парам спалучацца шлюбам і ўсынаўляць дзяцей, быў прыняты ў Францыі ў траўні 2013 году. У цяперашні час заключэньне аднаполых шлюбаў узаконена ў 21 дзяржаве.
