Мяшчанскі суд Масквы ў пятніцу арыштаваў на два месяцы чацьвярых падазраваных у падрыхтоўцы тэрактаў у расейскай сталіцы, паведамляе Інтэрфакс.
Крымінальная справа ўзбуджаная паводле артыкулаў пра замах на ўчыненьне тэракту, удзеле ў тэрарыстычнай арганізацыі, а таксама аб незаконным вырабе і абароце выбухоўкі і зброі.
Аб затрыманьні трох грамадзян Узбэкістану і аднаго расіяніна стала вядома напярэдадні. Фэдэральная служба бясьпекі Расеі паведаміла, што падазраваныя дзейнічалі ў складзе групы і зьяўляюцца членамі забароненай у Расеі тэрарыстычнай групоўкі «Ісламская дзяржава».
У ведамстве сьцьвярджаюць, што затрыманыя рыхтавалі тэракты на абʼектах транспартнай інфраструктуры Масквы, а кіраўніцтва іх дзеяньнямі ажыцьцяўлялася з тэрыторыі Сырыі.