Лінкі ўнівэрсальнага доступу

Апанэнты Крамля сабраліся на эмігранцкі форум у Вільні


3-і Форум Свабоднай Расеі ў Вільнюсе
3-і Форум Свабоднай Расеі ў Вільнюсе

У Вільні распачаў працу 3-і Форум Свабоднай Расеі, які праводзяць праціўнікі дзейнага ў Расеі рэжыму на чале з Уладзімірам Пуціным. Падчас форуму ўдзельнікі абмяркоўваюць надзённыя праблемы расейскай і міжнароднай палітыкі, а таксама сцэнары выхаду краіны з палітычнага, эканамічнага і цывілізацыйнага крызісу.

Удзельнікі форуму
Удзельнікі форуму

Адзін з арганізатараў імпрэзы Іван Цютрын паведаміў Свабодзе, што ў Літву прыехалі прадстаўнікі 32 рэгіёнаў Расеі, палітыкі, якія знаходзяцца ў вымушанай эміграцыі. Усяго зарэгістравана каля 300 удзельнікаў.

Адкрыў паседжаньне заснавальнік форуму Гары Каспараў. У свой час наймацнейшы шахматыст сьвету і адзін з найбольш пасьлядоўных апанэнтаў Крамля сказаў, што з пункту гледжаньня расейскай прапаганды — гэта «сход пікейных камізэлек». Але на самой справе мерапрыемства надзвычай важнае, паколькі на ім абмяркоўваюцца пытаньні, якія для расейскай апазыцыі зьяўляюцца табу:

Гары Каспараў
Гары Каспараў

«Выбараў няма, але апазыцыя ў Расеі робіць выгляд, што яны ёсьць. Прыходзіцца імітаваць, што вы змагаецеся за выбарнікаў. У нас гэтых умоўнасьцяў няма. Мы адзінае месца збору, дзе можна гаварыць пра ўсё без аглядкі на неіснуючага выбарніка або на адзінага выбарніка ў Крамлі. Мы не павінны азірацца: а што падумае ўмоўная «МарьИванна?»

Гары Каспараў прыгадаў, што забіты два гады таму лідэр расейскай апазыцыі Барыс Нямцоў любіў паўтараць: у адсутнасьць канкурэнцыі трэба глядзець, як ацэньвае вашу палітычную дзейнасьць Крэмль. У гэтым выпадку Крэмль даў ягонай дзейнасьці найвышэйшую ацэнку, — змрочна падсумаваў палітык:

«Дыктатарскі рэжым разумее, што адкрытае абмеркаваньне актуальных тэмаў для яго небясьпечнае. У Расеі многія праблемы выведзеныя за дужкі. А для нас ёсьць тэмы Крыму, вайны ва ўсходняй Украіне і на іншых акупаваных тэрыторыях, пазыцыя Расеі ва ўсясьветнай прасторы. Мы гаворым пра будучыню, якая наступіць ня ў выніку таго, што хтосьці выйграе выбары і атрымае два галасы ў радзе Ўрупінску, мы гаворым пра пазбаўленьне ад мораку мінулага: пра люстрацыю, пра тое, што краіна — правапераемніца СССР ня можа вырвацца з савецкага мінулага. Да чаго гэта прыводзіць? Можна паглядзець на Турэччыну: адмовілася ад прызнаньня генацыду армян, калі была на парозе Эўразьвязу, і стала дыктатарскай».

У першы дзень форуму адбыліся дыскусіі на тэму фэдэралізму і імпэрыі, гучалі прапановы аб стварэньні ценявога кабінэту міністраў, аб ацэнцы дзейнасьці цяперашніх расейскіх уладаў. Выступалі гісторыкі, юрысты, праваабаронцы, журналісты.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG