Лінкі ўнівэрсальнага доступу

Усё больш расейцаў лічаць сталінскія рэпрэсіі «палітычнай неабходнасьцю»


Колькасьць расейцаў, якія лічаць сталінскія рэпрэсіі злачынствам, прыкметна зьнізілася за апошнія пяць гадоў — з 51-га да 39-і працэнтаў. Пры гэтым у два разы стала больш тых, хто нічога ня ведае аб «вялікім тэроры». Пра гэта сьведчаць дадзеныя апытаньня «Лявада-цэнтра».

Чвэрць рэспандэнтаў тлумачаць сталінскія рэпрэсіі «палітычнай неабходнасьцю». 36 адсоткаў гатовыя апраўдаць чалавечыя ахвяры дасягнутымі ў сталінскую эпоху вынікамі, і толькі 26 адсоткаў апытаных лічаць Сталіна дзяржаўным злачынцам.

Згодна са студзеньскім апытаньнем «Лявада-цэнтру», з «захапленьнем», «павагай» і «сымпатыяй» да Сталіна ставяцца да 46 адсоткаў расейцаў.

Паводле ацэнак праваабарончага таварыства «Мэмарыял», ахвярамі палітычных рэпрэсій на тэрыторыі былога СССР лічацца прынамсі 12 мільёнаў чалавек.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG