Лінкі ўнівэрсальнага доступу

Сэпаратысты кінулі дымавую гранату ў машыну назіральнікаў АБСЭ


Супрацоўнікі спэцыяльнай маніторынгавай місіі Арганізацыі па бясьпецы і супрацоўніцтву ў Эўропе (АБСЭ) паведамілі пра чарговую правакацыю з боку прарасейскіх сэпаратыстаў у Данбасе — напярэдадні ў бок патруля назіральнікаў кінулі дымавую гранату.

Гэта адбылося, калі супрацоўнікі АБСЭ ехалі ў горад Дакучаеўск Данецкай вобласьці. Гранату кінулі з грузавіка сэпаратыстаў, за якім ехалі машыны АБСЭ.

23 красавіка на непадкантрольнай Кіеву тэрыторыі ў Луганскай вобласьці Украіны аўтамабіль АБСЭ падарваўся на міне. Загінуў мэдыцынскі работнік, грамадзянін ЗША.

7 траўня супрацоўнікі маніторынгавай місіі заявілі аб сэксуальных дамаганьнях да аднаго з назіральнікаў з боку ўзброенага аўтаматам сэпаратыста. Усяго, па словах супрацоўнікаў АБСЭ, за апошнія два гады працы ў Данбасе яны каля 200 разоў падвяргаліся небясьпецы.

XS
SM
MD
LG