Лінкі ўнівэрсальнага доступу

«Каму так ня церпіцца», — Сьвятлана Алексіевіч адрэагавала на зьвесткі пра сваю сьмерць


Сьвятлана Алексіевіч

Свабода зьвязалася з нобэлеўскай ляўрэаткай. Яна знаходзіцца ў Сэуле, зь ёю ўсё ў парадку.

Наўпроставы лінк

«Ой божачкі, каму ж гэта так ня церпіцца? — знаходзіць у сабе сілы на жарты Сьвятлана Алексіевіч. — Не, насамрэч гэта глупства. Я цяпер у Сэуле, так што не турбуйцеся, усё добра.

Мяне цяпер больш турбуе тое, як дапамагчы жанчыне-інваліду з Гомелю, якую высяляюць з кватэры. Хацела б узяць гэта пад кантроль, бо, мяркуючы па ўсім, у яе хочуць забраць жылплошчу, ужо суд ідзе. Я дам грошы, бо не хачу, каб яе выкінулі на вуліцу. А ўвогуле прыходзьце пры канцы месяца на сустрэчу да нас у клюб, прыедзе Валодзя Сарокін, потым цудоўны францускі рэжысэр, будзе цікава».

На расейскіх рэсурсах стала імкліва распаўсюджвацца навіна пра сьмерць Сьвятланы Алексіевіч. Яна не адпавядае рэчаіснасьці.

Фальшывая навіна пайшла з твітэру, які нібыта належыць міністарцы замежных спраў Францыі, гэты фальшывы акаўнт быў створаны 21 гадзіну таму.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG