Сам Коўш сьцьвярджае, што стаў ахвярай перасьледу з боку КДБ, у тым ліку і за ягоную палітычнаю пазыцыю.
«Сьледзтвам устаноўлена, што абвінавачаны, працуючы на пасадзе опэрупаўнаважанага па эканамічных злачынствах УУС Гарадзенскага аблвыканкама, на працягу доўгага часу сыстэматычна атрымліваў незаконныя грашовыя ўзнагароды.
У матэрыялах крымінальнай справы маюцца зьвесткі пра прынамсі 10 фактаў атрыманьня і замаху на атрыманьне хабару ў пэрыяд з 2011 па 2013 гады» — гаворыцца ў сёньняшнім паведамленьні СК.
У крымінальнай справе Каўша, паводле СК, таксама маюцца зьвесткі аб продажы службовай інфармацыі пра мерапрыемствы праваахоўных органаў.
Два гады тады таму Польшча адмовіла Дзьмітрыю Каўшу ў палітычным прытулку. Акружны суд у Варшаве прызнаў што вяртаньне беларуса на радзіму не парушыць ягоных правоў і свабодаў. Коўш, у сваю чаргу, заявіў, што ў Беларусі яго могуць абвінаваціць у шпіянажы і расстраляць.
11 траўня Апэляцыйны суд у Варшаве скасаваў беларусу арышт і вярнуў справу пра выдачу яго Беларусі ў суд першай інстанцыі.
Падрабязнасьці па спасылцы:
