Лінкі ўнівэрсальнага доступу

Польшча ня выдасьць Беларусі былога міліцыянта Каўша


Польшча ня выдасьць Беларусі былога беларускага міліцыянта Дзьмітрыя Каўша. Такое рашэньне прыняў Апэляцыйны суд у Варшаве, які таксама скасаваў беларусу арышт. Справа вяртаецца ў суд першай інстанцыі.

Пра судовае рашэньне паведаміла Gazeta Wyborcza.

Коўш сьцьвярджае, што ў Беларусі яго перасьледаваў КДБ. Прычынай была, нібыта, яго праца міліцыянтам у Аддзеле па барацьбе з эканамічнай злачыннасьцю ў Горадні. Коўш выйшаў на сьлед карупцыйнай схемы, у якую былі замешаныя супрацоўнікі беларускіх спэцслужбаў. Пасьля затрыманьня і пагрозаў, у 2013 годзе Коўш праз Расею ўцёк у Польшчу.

Беларусь дамагаецца яго экстрадыцыі. Дзьмітры Коўш сьцьвярджае, што на радзіме яго могуць абвінаваціць у шпіянажы і расстраляць.

Польшча хоча выдаць Беларусі былога міліцыянта. Той кажа, што яму пагражае расстрэл

XS
SM
MD
LG