Іван Кубракоў указам Аляксандра Лукашэнкі ад 12 траўня прызначаны начальнікам упраўленьня ўнутраных спраў Віцебскага аблвыканкаму.
Іван Кубракоў раней займаў пост начальніка менскай міліцыі грамадзкай бясьпекі. Ён добра знаёмы ўдзельнікам грамадзкіх і палітычных акцый, бо асабіста кантраляваў дзеяньні сваіх падначаленых.
24 лютага 2017 году падчас акцыі пратэсту абаронцаў Курапатаў Іван Курбакоў асабіста ўдзельнічаў у іх затрыманьні.
Абаронцы Курапатаў блякуюць будаўнічую тэхніку сабой. Фотарэпартаж
Пазьней Кубракоў выступіў па тэлебачаньні, тлумачачы дзеяньні супрацоўнікаў у штацкім, якія штурмавалі менскі тралейбус пасьля санкцыянаванага ўладамі «Маршу недармаедаў» 15 сакавіка. Тады былі гвалтоўна затрыманыя некалькі дзясяткаў чалавек. Іван Курбакоў заявіў, што ў затрыманых у менскім тралейбусе былі нажы і кастэты. Журналісты, якія асьвятлялі судовыя працэсы, зьвярталі ўвагу, што падобныя прадметы не фігуравалі ў пратаколах асуджаных. Гэтаксама Генэральная пракуратура заявіла карэспандэнту Свабоду, такіх зьвестак яны ня маюць.