Лінкі ўнівэрсальнага доступу

МУС Украіны дапытае аўтараў расьсьледаваньня аб забойстве Шарамета


Павел Шарамет

Украінская паліцыя дапытае аўтараў фільму-расьсьледаваньня пра забойства Паўла Шарамета. На допыт таксама выкліканы супрацоўнік Службы бясьпекі Ўкраіны (СБУ) Ігар Усьціменка, які, як мяркуецца, сачыў за журналістам у ноч перад яго сьмерцю. Пра гэта заявіў кіраўнік МУС Украіны Арсен Авакаў.

Шарамет загінуў 20 ліпеня летась у цэнтры Кіева. У аўтамабілі, якім ён кіраваў, спрацавала самаробнае выбуховае прыстасаваньне. Праваахоўныя органы Украіны лічаць, што журналіста забілі за яго прафэсійную і апазыцыйную дзейнасьць у Расеі і Беларусі. Да гібелі журналіста могуць быць датычныя расейскія спэцслужбы, заяўляе Кіеў.

Напярэдадні Цэнтар даследаваньня карупцыі і арганізаванай злачыннасьці супольна з журналістамі ўкраінскага парталу slidstvo.info прадставілі фільм «Забойства Паўла». У ім сьцьвярджаецца, што супрацоўнік СБУ Усьціменка мог бачыць, як злачынцы мініравалі аўтамабіль Шарамета.

У Службе бясьпекі Ўкраіны сьцьвярджаюць, што Усьціменка на момант сачэньня за журналістам ужо быў звольнены. Праверыць гэтую інфармацыю па адкрытых або незалежных крыніцах не ўяўляецца магчымым.

Ваша меркаваньне

Паказаць камэнтары

XS
SM
MD
LG