Лінкі ўнівэрсальнага доступу

Расейская чыгунка пакарае праваднікоў за адсутнасьць георгіеўскай стужкі на форме


Кампанія «Расейская чыгунка» пакарае праваднікоў цягнікоў, якія, парушыўшы наказ кіраўніцтва, не ўпрыгожылі да дня Перамогі сваю форму георгіеўскімі стужачкамі і значкамі «9 мая». Копія загаду кіраўніцтва Фэдэральнай пасажырскай кампаніі («дачка» «Расейскай чыгункі») была апублікаваная ў сацыяльных сетках.

У ходзе праверак, гаворыцца ў дакумэнце, было выяўлена адсутнасць георгіеўскіх стужак ў праваднікоў некаторых пасажырскіх цягнікоў, а таксама не вялася трансьляцыі сьвяточнага аўдыё- і відэазьместу. Згодна з распараджэньнем, з работнікамі цягніковых брыгад павінен быць праведзены разбор парушэньняў. Да 16 траўня 2017 году неабходна ліквідаваць выяўленыя недахопы, адзначаецца ў загадзе.

Раней Расейская чыгунка выпусьціла прэс-рэліз, у якім паведамлялася, што на працягу 10 дзён на форме ўсіх супрацоўнікаў РЖД павінны быць георгіеўскія стужкі і значкі «9 мая». У цягніках пасажыраў павінны віншаваць па гучнай сувязі, а таксама маюць гучаць песьні ваенных гадоў і трансьлявацца фільмы пра Вялікую Айчынную вайну.

У Санкт-Пецярбургу за адмову насіць георгіеўскую стужку на пасяджэньні Заканадаўчага сходу атрымаў афіцыйнае заўвагу дэпутат ад партыі «Яблоко» Барыс Вішнеўскі.

Георгіеўская стужка ня мае ў Расеі юрыдычнага статусу. Сымбалічнае аздабленьне ўпершыню пачалі раздаваць у 2005 годзе — у год 60-годзьдзя Перамогі.

Ваша меркаваньне

Паказаць камэнтары

XS
SM
MD
LG