Міністэрства сувязі зоймецца распаўсюдам «на буйных мэдыярынках расейскіх дакумэнтальных, мастацкіх фільмаў і сэрыялаў, якія адлюстроўваюць аб’ектыўную інфармацыю аб Расеі, у тым ліку аб яе ролі ў перамозе над нацызмам», гаворыцца ў дакумэнце, апублікаваным на прэзыдэнцкім сайце.
У сваю чаргу Міністэрства культуры павінна да 25 верасьня 2017 арганізаваць у замежных краінах паказы дакумэнтальных і мастацкіх фільмаў, прысьвечаных вайсковай гісторыі Расеі, у тым ліку ўнёску СССР у перамогу ў Другой сусьветнай вайне.
