Дырэктар Фэдэральнага бюро расьсьледаваньняў ЗША Джэймс Коўмі заявіў, што кіраўніцтва Расеі працягвае ўмешвацца ў амэрыканскую ўнутраную палітыку.
Выступаючы 3 траўня на слуханьнях у камітэце Сэнату па справах выведкі, Коўмі падкрэсьліў, што Расея ўяўляе сабой «самую вялікую пагрозу для якой заўгодна краіны на плянэце», улічваючы яе намеры і магчымасьці.
У сераду ж дзяржсакратар ЗША Рэкс Тылерсан заявіў, што паміж Злучанымі Штатамі і Расеяй практычна не засталося даверу. Выступаючы перад супрацоўнікамі свайго ведамства, Тылерсан адзначыў, што гаворка ідзе пра парушэньні Масквой дамоваў аб кантролі за стратэгічнымі узбраеньнямі і яе палітыцы ў дачыненьні да Ўкраіны.
